অসম চৰকাৰ পেঞ্চন আৰু ৰাজহুৱা অভিযোগ পেন্সন সঞ্চালকালয়

পূৰ্বতে পেন্সনৰ দ্বাৰা এজন চৰকাৰী কৰ্মচাৰীয়ে তেওঁৰ ৰাজ্যৰ প্ৰতি আগবঢ়োৱা সন্তোষজনক সেৱাৰ বাবে লাভ কৰা সাময়িক ধনৰাশিক বুজোৱা হৈছিল। ফলস্বৰূপে মাননীয় এপেক্স কোৰ্টৰ দ্বাৰা অসংখ্য গোচৰৰ বিৰুদ্ধে নিৰ্দেশ জাৰি কৰি প্ৰদান কৰা পেন্সনক অধিকাৰ আৰু চৰকাৰী কৰ্মচাৰীৰ সম্পত্তি হিচাপে ঘোষণা কৰা হৈছিল। যেতিয়া চৰকাৰী কৰ্মচাৰীজনে এটা নিৰ্দিষ্ট বয়সত অৱসৰ গ্ৰহণ কৰে, তেওঁ বাৰ্ধক্য পেন্সন এটা গোটা পৰিমাণত গ্ৰহণ কৰিব পাৰে। এতিয়া বাৰ্ধক্য পেন্সন এনে চৰকাৰী কৰ্মচাৰীক আগবঢ়োৱা হয় যিয়ে ৬০ বছৰ বয়সত উপনীত হয়। যিকোনো চৰকাৰী কৰ্মচাৰীয়ে ২০ বছৰ ধৰি চাকৰি কৰাৰ পিছত অথবা ৫০ বছৰ বয়স হৈ যোৱাৰ পাছত অৱসৰ লাভ কৰাৰ তিনি মাহৰ আগত স্বেচ্ছাকৃত অৱসৰ গ্ৰহণ কৰিব পাৰে। কিন্তু এনে হব পাৰে তেতিয়াহে যেতিয়া ব্যক্তিগৰাকীৰ বিৰুদ্ধে কোনো ধৰণৰ বিভাগীয় তদন্ত বা অভিযোগ দাখিল কৰা হোৱা নাই।

বাৰ্ধক্যজনিত অৱসৰৰ বয়স চৰকাৰে বাৰ্ধক্যজনিত অৱসৰৰ বয়সৰ সময়ে সময়ে সালসলনি ঘটাইছে।

১. ০১-০১-২০০৫ৰ আগতে এই অৱসৰ লাভ কৰাৰ বয়স আছিল ৫৮ বছৰ।
২. ০১-০১-২০০৫ৰ পিছত এই বয়স হয় ৫৯ বছৰ।
৩. ৩১-১১-২০০৭ৰ পৰা এই বয়স বাঢ়ি ৬০ বছৰ হয়গৈ।

প্ৰাদেশিক বিদ্যালয়সমূহৰ শিক্ষকতা কৰা আৰু প্ৰশাসনীয় কৰ্মচাৰীৰ বাৰ্ধক্যজনিত অৱসৰ গণনা

প্ৰাথমিক শিক্ষাঃ
১. অসম প্ৰাথমিক শিক্ষা (প্ৰাদেশিকীকৰণ) আইন,১৯৭৪ৰ অধীনত নিম্ন প্ৰাথমিক আৰু মধ্য প্ৰাথমিক বিদ্যালয়ৰ অধ্যাপনা আৰু প্ৰশাসনীয় কৰ্মচাৰীসকলৰ চাকৰিসমূহ প্ৰাদেশিকীকৃত কৰা হয় আৰু ০৫-০৯-১৯৭৫ৰ পৰা তেওঁলোকৰ চাকৰিসমূহ পেন্সনযুক্ত কৰা হয়।
২. এনে কৰ্মচাৰী যাৰ চাকৰি ০৫-০৯-১৯৭৫ৰ পৰা প্ৰাদেশিকীকৃত কৰা হৈছে, তেনে লোকে পেন্সনযুক্ত চাকৰি কৰা বুলি গণ্য কৰা হয়।

মাধ্যমিক শিক্ষাঃ
১. এম.ই., এইছ.ই., এইছ.এছ.এছ. আৰু মধ্য মাদ্ৰাছাত কৰ্মৰত অধ্যাপনা আৰু প্ৰশাসনীয় বিভাগৰ কৰ্মচাৰীসকলৰ পেন্সনৰ যোগ্যতা অসম মাধ্যমিক শিক্ষা (প্ৰাদেশিকীকৃত) আইন ১৯৭৭ অনুসৰি বিবেচনা কৰা হয় আৰু তেওঁলোকৰ চাকৰি ০১-১১-১৯৭৭ৰ পৰা পেন্সনযুক্ত হয়।
২. চাকৰিত যোগদান কৰাৰ দিনৰ পৰা বা বিশেষ অনুদান লাভ কৰা দিনৰ পৰা অথবা ডেফিচিট গ্ৰাণ্ট অনুদিত হোৱাৰ দিন (যিটোৱে পিছত হয়) তেতিয়াৰ পৰা চাকৰিৰ দিন গণনা কৰি চাকৰিৰ যোগ্যতা বিবেচনা কৰা হয়।
৩. সংস্কৃত টৌলৰ ক্ষেত্ৰত স্কেল পে লাভ কৰাৰ দিনৰ পৰা বা ১ এপ্ৰিল,২০০১ৰ পৰা প্ৰাদেশিকীকৃত আইন,২০০১ অনুসৰি চাকৰি কালৰ গণনা কৰা হয়।

নিম্নোলিখিত নথিসমূহ পেন্সন দাবীৰ লগত সদায়েই থাকিব লাগেঃ

Title	Size	Detail
FORM NO1A.pdf	236.15 KB
FORM 2.pdf	46.17 KB
FORM 19.pdf	40.71 KB